Publizitatea

Elhuyarren publizitate-euskarriak eskura

Elhuyar Fundazioaren xedeak bi ardatz nagusi ditu: alde batetik, zientzia eta teknologia gizarteratzea, eta bestetik, euskararen garapena bultzatzea. Laburbilduz, bi dira Elhuyarren ardatzak: batetik, zientzia eta bestetik, euskara.

Hainbat publizitate-euskarri eskaintzen ditu Elhuyarrek eta guztiak bi ardatz nagusi horien arabera sailka daitezke. Beraz, bi multzotan sailkatuko ditugu euskarriak: batetik, euskararen garapena bultzatzeko euskarriak eta bestetik, zientziaren komunikaziorako euskarriak.

Zientziaren komunikaziorako euskarriak:

Hainbat euskarri daude multzo honetan: papera, Internet, irratia edo telebista.

Paperean:

• Elhuyar Zientzia eta Teknologia aldizkaria: Zientzia eta teknologia, paperean eta Interneten. 1974an sortua, Elhuyarrek kaleratutako lehen produktua da Elhuyar Zientzia eta Teknologia hilabetekaria; albiste eta artikuluen bidez, zientzia eta teknologiako gaiak gizarteratzen ditu, bai oinarrizkoak bai eta gaurkotasun handienekoak ere. Aldizkaria paperean ez ezik, Internet bidez ere eskura daiteke www.zientzia.net webgunean. Kalitate oneko lanak eskatzen dituen euskaldun zientzazalearentzat eginiko aldizkaria.

  Ikus Elhuyar Zientzia eta Teknologia aldizkariari buruzko informazio gehiago.

  Ikus Elhuyar Zientzia eta Teknologia aldizkariko publizitate-tarifak.

Interneten:

• Zientzia.net webgunea (www.zientzia.net): Zientzia eta teknologia, Interneten. Elhuyar Fundazioak 2001ean sortua. Baliabide anitz eskaintzen ditu: artikuluak, dosierrak, argazkiak, bideoak, audio-artxiboak, hiztegiak, dibulgazio-liburuak. Erabiltzailearen profila: zientzia-gaiak gustuko dituen 30 urtetik gorakoa goi-mailako ikasketak dituena.

  Ikus Zientzia.net webgunean publizitatea sartzeari buruzko informazio gehiago.

• Basque Research webgunea (www.basqueresearch.com): Euskal I+G+Baren informazioa biltzen duen webgunea. Baliabide egokia da ikertzaileentzat, haien lanak plazaratzeko aukera ematen dielako, eta informazio-iturri aproposa da kazetarientzat. Edukiak nazioarteko hainbat webgunetara zabaltzen ditu, adibidez: Alphagalileo, Eurekalert eta Cordis WIRE web guneetara. Elhuyar Fundazioa, gainera, Alphagalileo webgunearen zuzendaritza-batzordeko kidea da. Erabiltzailearen profila: Unibertsitate-irakaslea, ikertzailea, ikerketa-zentroetako eta enpresetako ikertzailea edo komunikazio-arduraduna, kazetaria...

  Ikus Basque Research webgunean publizitatea sartzeari buruzko informazio gehiago.

• Zernola webgunea (www.zernola.net): 10 urtetik gorako gaztetxoentzako web gunea. Zientzia- eta teknologia-gaiak era samur eta erakargarrian eskaintzen ditu. Hezkuntza-sistemarekiko paraleloa eta haren osagarria da Zernola webgunea. Ikasleak gustura sartzeko tokia, eta jolasteko, irakurtzeko eta zientziaren inguruko zaletasuna pizteko tokia. Zernola Olinpiada antolatzen da urtero DBHko 1. eta 2. mailako ikasleentzat. Erabiltzailearen profila: 8-14 urteko gaztetxoa eta/edo DBHko irakaslea.

  Ikus Zernola webgunean publizitatea sartzeari buruzko informazio gehiago.

• Norteko Ferrokarrilla webgunea (norteko.elhuyar.org): Elhuyar Fundazioak ekoizten duen zientzia eta teknologiari buruzko irratsaioa da Norteko Ferrokarrilla, eta asteartero 21:00etan emititzen da Euskadi irratian. Webgune honetan, astero Euskadi Irratian ematen diren irratsaioez gain, azken urteetan ekoitzitako zenbait erreportaje ere aurkituko ditu erabiltzaileak.

  Ikus Norteko Ferrokarrilla webgunean publizitatea sartzeari buruzko informazio gehiago.

• Teknopolis webgunea (teknopolis.elhuyar.org): Elhuyar Fundazioak EITBrentzat ekoizten duen zientziari eta teknologiari buruzko telebista-saioa da Teknopolis. Telebista saio horren web gunea da, eta emandako programak ditu hor ikusgai erabiltzaileak, osorik edo erreportajeka. Teknopolis telebista-saioaren eduki berak ditu webguneak.

  Ikus Teknopolis webgunean publizitatea sartzeari buruzko informazio gehiago.

Irratian:

• Norteko Ferrokarrilla irratsaioa: Euskadi Irratian 1995az geroztik. Astero, ordubetez, zientzia eta teknologia dibulgatzen ditu, ikertzaile eta adituekin batera gaur-gaurko gaiak sakonago aztertuz. Horretaz gain, irratsaioko edukiak Interneten ere eskura daitezke, Norteko Ferrokarrillaren webguneak (norteko.elhuyar.org) irratsaioak deskargatzeko aukera ematen baitu. Kontsultatu bai irratsaioko bai webguneko baldintzak eta tarifak, gurekin harremanetan jarriz.

Telebistan:

• Teknopolis telebista-saioa: Elhuyarren eta ETBren eskutik, 1999tik. Gaur egun ETB1en, ETB2n eta ETB3n dago ikusgai. Astero, ordu-erdiz, informazioa zorrotz landuz, ikusleentzat modu atseginean azaltzen ditu zientzia eta teknologiaren arloko gaiak. Teknopolis telebista-saioak ere badu webgunea (teknopolis.elhuyar.org) eta telebistako saio guztiak deskargatzeko aukera ematen du. Kontsultatu bai telebista-saioko bai webguneko baldintzak eta tarifak, gurekin harremanetan jarriz.

Zergatik erabili Elhuyarren euskarriak?

• Publiko mota askorengana irits gaitezkeelako: Elhuyarren bi ardatz nagusiak -zientzia eta euskara- oinarritzat hartuta, erabiltzaile mota askorengana iristen dira gure euskarriak: gaztetxoak, DBHko ikasle eta irakasleak, unibertsitateko ikasle eta irakasleak, zientzia-gaietan interesa dutenak, zientzia-gaietako adituak, ikerlariak, euskararekin lotutako gaietan interesa dutenak, hizkuntzalariak, hizkuntza-teknologiei buruzko adituak.
• Paperean, Interneten, irratian eta telebistan sar dezakezulako publizitatea.
• Eskarmentua eta izen ona ditugulako: Elhuyar ez da hasiberria zientziaren dibulgazioan, ezta euskararen garapenean ere. Duela 34 urte ekin zion zientziaren dibulgazio-lanari eta gure seriotasuna bermatzen du harrez gero egindako lanak.

* Eskaintzak neurrira egiten ditugu.

Harremanetarako