Haur eta gazteei zuzendutako proiektuak lantzen ditugu. 10-18 urte bitarteko gazteengana zientzia eta teknologia hurbiltzea eta haiengan zientziarekiko, teknologiarekiko eta ikerketarekiko jakin-mina piztea da gure helburua.

• Kultura zientifikoaren sustatzea: jakintza zabaltzea, jakin-mina piztea; informatzea, ikuspegi kritikoak sustatzea.
• Zientziaren eta teknologiaren arloetako bokazioak piztea eta etorkizuneko ikertzaileak inspiratzea. 
• Dinamizazio-lana, zientzia/teknologia-agenteen eta gazteen arteko zubi-lana egitea Inguruko zientzia- eta teknologia-agenteen prozesuak erakustea, eta pertsonak/protagonistak hurbiltzea.
• Zientzia- eta teknologia-gaiekiko zaletasuna sortzea; zientziarekin gazteek ondo pasatzea lortzea.

Helburu horiek lortzeko honako jarduera hauek eskaintzen ditugu:

Edukiak
Gazteengana zientzia eta teknologia modu erakargarrian hurbiltzen egiten dugu lan, eduki zorrotz eta eguneratuak eskainiz.

Horren bi adibide dira Zernola.net (gazteentzako zientzia-edukiak online) eta Irrika.net (gazteak ikerketara eta jakintzara hurbiltzeko Interneteko webgunea) webguneak.

Lehiaketak
Elhuyar Zientzia eta Teknologiaren Olinpiada; DBHko lehenengo zikloko ikasleen artean egiten da.

Teknoskopioa lehiaketa; 14-18 urteko gazteentzako ikerketa-proiektu eta proiektu teknologikoen lehiaketa eta azoka da

Zuzeneko ekintzak
ZientziaLive! proiektua eskoletara eramaten dugu: gazteentzako zuzeneko zientzia-ekintzak dira, eskoletan egitekoak.

Udan, gazteentzako Zientzia Udalekuak antolatzen ditugu.

Behatoki-lana
Zientzia eta teknologia gazteengana hurbiltzeko, behar-beharrezkoa da egoeraren diagnostikoa egitea. Horretarako egin dugu Euskal Herriko gazteen zientzia eta teknologiari buruzko pertzepzio-azterketa 2011.

Ikerketak
Tresna erabilgarriak sortu eta garatu nahian, ikerketa-proiektuetan ere murgilduta gabiltza. Hain zuzen ere, Stimula europar proiektuaren liderrak gara; proiektuaren helburua da zientzia eta teknologiarako gaitasunen estimulazioa lortzera bideratutako hezkuntza-baliabide berritzaileak garatzea. 

Arduraduna: Lorea Arakistain

l.arakistain@elhuyar.com