Sariketak
CAF-Elhuyar sariak
CAF-Elhuyar sariaren helburuak dira zientzia eta teknologiaren arloko gaien eta ikerketen euskarazko dibulgazioa, kazetaritza, eta narrazio-lanak bultzatzea, saritzea eta aitortzea.
Elhuyar Fundazioak antolatzen ditu CAF-Elhuyar sariak, CAF enpresaren babesarekin eta Eusko Jaurlaritzaren Kultura Sailaren diru-laguntzaz.
CAF enpresak eta Elhuyarrek eraginda sortu ziren CAF-Elhuyar Sariak 1994an. Zientzia-gaien euskarazko dibulgazioa eta, bereziki, idazle berriak sustatzeko asmoz abiatu ziren sariak.
Elhuyar Fundazioaren ardatzetako bat zientziaren komunikazioa izanik, zientzia- eta teknologia-gaien euskarazko zabalkundea sustatzea du helburu sariketak.
CAF-Elhuyar Sarien kategoriak:
- Dibulgazio-artikulu originalak:
- Dibulgazio-artikulu orokorrak 2.000 €
- Egilearen doktore-tesian oinarritutako dibulgazio-artikuluak 2.000 €
- Gazteei zuzendutako zientzia-narrazioak 5.000 €
- Zientzia-kazetaritzaren arloko lanak 2.000 €
Harremanetarako: cafelhuyarsariak@elhuyar.com
