Itzuli orriaren hasierara

Berri destakatua

Berotegi-efektuko gas gutxiago isurtzen eta industria-lehiakortasuna handitzen laguntzeko sistemak sortzen ari dira Copreci eta Ikerlan-IK4

Berotegi-efektuko gas gutxiago isurtzen eta industria-lehiakortasuna handitzen laguntzeko sistemak sortzen ari dira Copreci eta Ikerlan-IK4

Europako Batasunak babestutako Ramses proiektuan parte hartzen ari dira Copreci eta Ikerlan-IK4; oxido solidozko erregai-pila berritzaileak, sendoa...

www.basqueresearch.com

Albisteak

2014/11/15
Posible al da bikaintasuna zientzian berdintasunik gabe?
Galdera honi erantzun nahian, mahai-ingurua antolatu zuten Elhuyar Zientziak eta Elhuyar Aholkularitzak azaroaren 13an. Berdintasun Gunearen (Emakunde) eta Zientzia Astearen (Innobasque) markoa aprobetxatuta, ikerketa arloan diharduten lau emakume gonbidatu zituzten zientziaz eta berdintasunaz eztabaidatzera: Osasun Saileko Elena Aldasoro Unamuno, Ikerbasqueko Ainhoa Madariaga Martinez, Mondragon Unibertsitateko Ainhoa Larrañaga Elorza eta Euskal Herriko Unibertsitateko Teresa Nuño Angós. Haien ikuspegi eta ibilbideak uztartuz, Euskal Herrian zientzia-sisteman dagoen errealitatera hurbiltzeko aukera izan zuten parte-hartzaileek zein entzuleek.

 

Mahai-inguruan esandakoak Elhuyar aldizkarian irakurgai


Ikusi gehiago
2014/11/06
Parte hartu Elhuyarrek antolatutako “Posible al da bikaintasuna zientzian, berdintasunik gabe?” mahai-inguruan, Emakunderen XI. Berdintasunerako Gunearen eta Zientziaren Astean

“Posible al da bikaintasuna zientzian, berdintasunik gabe?” mahai-ingurua antolatu du Elhuyarrek Emakunderen XI. Berdintasunareko Gunearen eta Zientziaren Asteko markoan. Mahai-ingurua azaroaren 13an izango da, 18:00etan, Bilboko Casilda Iturrizar parkean egongo den autobus ibiltarian. Hizlariak, berriz, Ainhoa Madariaga (Ikerbasque), Elena Aldasoro (Osakidetza), Ainhoa Larrañaga (Mondragon Unibertsitatea) eta Teresa Nuño (UPV/EHU), Elhuyarreko Maria Gil eta Naiara Arrik gidatuta. 

Zientzia eta berdintasuna hizpide dituzten ikerketa guztiek adierazten dute ez dagoela parekidetasunik, ez zientzia-hezkuntzan, ez arlo profesionalean. Joera hori orokorra da; mundu osoan zabalduta dago, eta Euskal Herrian ere egoera ez da bestelakoa. Gainera, datuen arabera, ez da ageri joera-aldaketaren zantzurik.

Zer egin dezakete ikastetxeek nahiz komunikabideek nesken artean zientzia-ikasketak sustatzeko? Nola desagerraraz daitezke estereotipoak? Zer leku dute emakumeek zientzian? Nola berma daiteke berdintasuna zientzia-arloko ibilbide profesionalean, finantziazioan eta ebaluazio-sistemetan?


Ikusi gehiago
2014/04/02
Elhuyarreko Hizkuntza eta Teknologia unitateak webguneetako edukia entzuteko teknologia garatu du

Elhuyarreko Hizkuntza eta Teknologia unitateak, EHUko Aholab taldearekin elkarlanean, ahots-sintesi bidez webguneak entzuteko teknologia garatu dute berriki. Teknologia hori aplikatu da dagoeneko Elhuyar Aldizkariko webgunean eta zientzia.net-en. Horiek horrela, erabiltzaileek aukera izango dute webgune horietako edukiak euskaraz molde naturalean entzuteko.

Ahots-teknologietan gaur egun lortu den aurrerapen-maila teknologiaren eta hizkuntzaren araberakoa da. Nahiz eta ahots-ezagutzan oraindik badagoen zer hobetua hizkuntza guztietan, ahotsaren sorkuntza naturalean oso emaitza onak lortzen dira; baita euskararentzat ere. “Aholabek oso kalitate oneko ahots sintetiko neutroa lortu du euskararako, aplikazioetan erabiltzeko modukoa”, adierazi du Igor Leturiak Elhuyarreko ikertzaileak. Horregatik, Aholabekin elkarlanean, Elhuyarrek Aholab-en ahots sintetikoa webguneetan integratzeko teknologia hau garatu du, eta Elhuyar Aldizkaria eta zientzia.net webguneetan aplikatu.


Ikusi gehiago

Nabarmenduak

  • Abian da CAF-Elhuyar sarien 2012ko edizioa, eta kategoria berria izango du aurten: ZIENTZIA GIZARTEAN SORKUNTZA-BEKAAbian da CAF-Elhuyar sarien 2012ko edizioa, eta kategoria berria izango du aurten: ZIENTZIA GIZARTEAN SORKUNTZA-BEKA
  • Elhuyar Fundazioak eta DIPCk bideo amateurren ON ZIENTZIA lehiaketa jarri dute abian, hirugarrenezElhuyar Fundazioak eta DIPCk bideo amateurren ON ZIENTZIA lehiaketa jarri dute abian, hirugarrenez
  • Txikia ikusgarri Elhuyar aldizkariaren urtarrileko zenbakianTxikia ikusgarri Elhuyar aldizkariaren urtarrileko zenbakian
Itzuli orriaren hasierara
ARMIX sukaldean. Mugaritzen laguntzarekin
ARMIX sukaldean. Mugaritzen laguntzarekin
11,40€Erosi
Simon Bloom, grabitatearen zaindaria
Simon Bloom, grabitatearen zaindaria
13,30€Erosi
Itzuli orriaren hasierara Itzuli orriaren hasierara

Copyright © 2007 Elhuyar Fundazioa | Lege-oharra | Web-mapa

webmaster@elhuyar.com

Diseinua: Blanco

Itzuli orriaren hasierara Itzuli orriaren hasierara