Elhuyar Fundazioa - Hizkuntza Zerbitzuak 

Informazioa gordetzen duten biltegi gero eta handiagoak dauzkagu gaur egun, hala nola dokumentu-bilduma erraldoiak, liburutegiak eta, bereziki, Internet. Erabiltzaileok hala ere informazio zehatza bilatzen dugu. Beraz, informazio hau biltegi barnean identifikatu eta bertatik erauziko duten tresnak ezinbestekoak dira.

Informazio-berreskurapenean (IR), dokumentuak, testu-zatiak edo dokumentua deskribatzen duten metadatuak bilatzeko teknologia ikertzen da. Aldiz, Informazio-erauzketak (IE) informazio egituratua edo erdiegituratua ateratzea du helburu; adibidez, gaixotasunen eta dagozkien botiken izenak, edo gertakariak eta beraiekin erlazionatutako pertsonak...

Berreskuratze-prozesuetan gero eta garrantzi handiagoa duen alderdi bat eleaniztasuna da. Hau da, informazioa hainbat hizkuntzatako testuetan egon daiteke. Horietatik kontsulta bakarra eginda nahi den informazioa lortzeko sistemak garatzea da CLIR arloaren helburua (Cross-lingual Information Retrieval, "hizkuntza arteko informazio-berreskurapena").

• Deskargatu pluginak
• Elhuyar Hiztegia zure mugikorrean