Zientzia, Teknologia eta Berrikuntza
Komunikabideetan

 

Elhuyar Fundazioak eta Innobasquek elkarrekin antolatuta, Zientzia, Teknologia eta Berrikuntza Komunikabideetan izeneko mintegia egingo da Donostiako Kursaal eraikinean urriaren 14an. Ekitaldiak Eusko Jaurlaritzako Hezkuntza Sailaren laguntza ere badu.
Jardunaldian, Euskal Herriko komunikabideek alor honetan egiten duten lana emango da ezagutzera, eta gure inguru hurbileko eta Europako Batasuneko ekimenak ere azalduko dira.

 

Nori dago zuzendua?

• Komunikabideetako profesionalei eta kazetariei.
• Komunikazioko irakasle eta ikertzaileei.
• Zientzialari eta ikertzaileei.
• Kazetaritza-ikasleei eta komunikazioan interesa duten zientzia-ikasleei.

Hizkuntza:

Mintegia euskaraz, gaztelaniaz eta ingelesez izango da. Aldibereko itzulpen-zerbitzua egongo da.

Izen-ematea doan da:
laborategia@elhuyar.com edo 943363040 telefonoa (Izaro Aizpurua)

 

Egitaraua

 

• 9.00 – Hasiera-ekitaldia.
• 9.15 – Bego Zubia. "Zientzia, teknologia eta berrikuntzaren tratamendua eguneroko prentsan" azterketaren koordinatzailea. Elhuyar Fundazioa.
• 10.00 – Adibide eredugarriak. Maria Pilar Perla. "Tercer Milenio" Heraldo de Aragon egunkariak argitaratzen duen zientzia-gehigarriaren arduraduna.
• 10.45 – Atsedena.
• 11.15 – Komunikabideetako arduradunen arteko mahai-ingurua: Martxelo Otamendi, Berria egunkariaren zuzendaria; Bingen Zupiria, ETBren zuzendaria; Arantzazu Zugasti, Noticias de Gipuzkoa egunkariaren zuzendariordea; Josu Juaristi, Gara egunkariaren zuzendaria; eta Julian Beloki, EiTB Irratien zuzendari koordinatzailea. Moderatzailea: Pilar Kaltzada, Innobasqueko promozio- eta komunikazio-zuzendaria.
• 13.00 – Eguerdiko atsedenaldia.
• 15.00 – Michel Claessens, Europako Batzordeko Ikerketaren Zuzendaritza Nagusiko komunikazio-unitatearen zuzendariordea eta Research*EU aldizkariaren edizioburua.
• 15.45 – Vladimir de Semir, Pompeu Fabra Unibertsitateko Zientziaren Komunikazioaren Behatokiaren zuzendaria eta Europako Batzordeko Zientzia Gizartean programaren aholkulari-taldeko kidea.
• 16.30 – Mahai-ingurua: Zergatik eman zientzia, teknologia eta berrikuntzaren gaineko informazioa. Maria Teresa Escalas, Bartzelonako Unibertsitate Autonomoko “Observatorio de Difusión científica”-ren arduraduna; Jesus Ugalde, EHUko ikertzailea; Txema Ramirez de la Piscina, EHUko kazetaritza-irakaslea; Vladimir de Semir, Pompeu Fabra Unibertsitateko Zientziaren Komunikazioaren Behatokiaren zuzendaria eta Europako Batzordeko Zientzia Gizartean programaren aholkulari-taldeko kidea. Moderatzailea, Beñar Kortabarria, zientzia-kazetaria.
• 18.00 – Amaiera-ekitaldia. Ondorio nagusiak.
  Koordinatzailea: Jose Maria Rodriguez Ibabe, CEITeko ikertzaile seniorra eta Elhuyar Fundazioko Patronatuaren lehendakaria.

 

 

Datu Pertsonalak Babesteari buruzko abenduaren 13ko 15/1999 Lege Organikoan xedatzen dena betez, zure datu pertsonalak “KOLABORATZAILEAK” fitxategian sartuta daudela aitortzen dugu. Horren helburua da elkarlana sustatzea, ikerketen eta zientzia-dibulgazioaren berri ematea eta euskararen normalizazioa bultzatzea. Datu horiek mailing-ak egiteko enpresek erabili ahal izango dituzte. Fitxategia Datuak Babesteko Agentzian erregistratu dugu, eta datuen segurtasuna bermatzeko neurriak ezarri ditugu. Fitxategi horien erantzulea ELHUYAR FUNDAZIOA bera da, eta, nahi izanez gero, aipatutako Legean aurreikusitako sarbide-, zuzenketa-, ezeztapen- eta aurkaritza-eskubideak balia ditzakezu; horretarako, eskaera bat bidali behar duzu datuensegurtasuna@elhuyar.com helbidera.