Elhuyar Fundazioa 

Iritsi dira lehen 50 zientzialari gazteak Zientzia Udalekuetara

2010/7/5

Ostiralean iritsi dira lehenengo 50 gazteak Aiako Harriko Parke Naturaleko Arritxulo aterpetxera, Elhuyar Fundazioak lehen aldiz, eta Eusko Jaurlaritzako Hezkuntza, Unibertsitate eta Ikerketa Sailak lagunduta, antolatutako Zientzia Udalekuez gozatzera.

Paraje eder horretan, 12 eta 14 urte bitarteko gazteen talde horrek esperimentu, tailer, irteera eta bestelako ekintza askotan parte hartzeko aukera izango du astebetez, uztailaren 7ra arte hain zuzen. Ondoren, adin bereko beste talde bat iritsiko da uztailaren 8tik 14ra. 14 eta 16 urte bitarteko talde batek osatuko du azken txanda, uztailaren 21era arte. Uda honetan, guztira, 150 gaztek parte hartuko dute Zientzia Udalekuetan.

Gainera, gurasoek beren seme-alaben abenturak egunez egun jarraitzeko aukera izango dute, Zientzia Udalekuen webgunean dagoen blog-aren bitartez: http://udalekuak.elhuyar.org